Peshëngritësja Enkileda Carja ka shkëlqyer në Kampionatin Evropian të Peshëngritjes që po zhvillohet në Durrës duke thyer 6 rekorde europiane dhe duke fituar 3 medalje ari.

Arritjet e peshëngritëses Carja u vlerësuan sot edhe nga Kryeministri Edi Rama.

Rama u shpreh në një postim në rrjetet sociale se, Enkileda Carja konfirmohet Kampione e Evropës në Peshëngritje për të Rinj dhe U23.

Carja theu 3 rekorde evropiane në stilin e shkëputjes (95 kg, 97 kg dhe 98 kg) dhe fitoi medaljen e artë në kategorinë 63 kg.

Gjithashtu, në stilin e shtytjes, Carja theu 3 rekorde të tjera, (113 kg, 116 kg, 118 kg), duke fituar me dalje ari në shtytje dhe në dygarësh.

Kampionati po mbahet nga data 28 tetor deri më 4 nëntor në Pallatin e Sportit “Ramazan Njala” në Durrës, me pjesëmarrjen e 35 shteteve evropiane.

Burimi ATSH