Një aktivitet përkujtimor madhështor u zhvillua të mërkurën në Pekin në kuadrin e 80-vjetorit të fitores së Luftës së Rezistencës të Popullit Kinez kundër Agresionit Japonez dhe të Luftës Antifashiste
Botërore. Presidenti kinez Xi Jinping, së bashku me 62 krerë shtetesh e qeverish dhe organizatash
ndërkombëtare, morën pjesë në këtë aktivitet.

Kreu i shtetit i Kinës mbajti një fjalim të rëndësishëm dhe kaloi në revistë trupat pjesëmarrëse në
paradën e Ditës së Fitores.

Në paradën ushtarake në vijim, bëri pjesë Grupi i Operacioneve për Mbrojtjen Ajrore dhe kundër
Raketave.

Katër tipat e pajisjeve të inspektuara në formacionin e zbulimit paralajmërues u përkasin të gjithë
brezave të rinj të radarëve të lëvizshëm të prodhuar në Kinë. Në koordinim në grup, ata mund të
zbulojnë avionët e pakapshëm nga radarët dhe raketat balistike. Ata ofrojnë zbulim paralajmërues për
sigurinë ajrore dhe hapësinore të Kinës.

Në formacionin e luftimit kundër avionëve, janë inspektuar gjashtë tipat e raketave tokë-ajër, duke
përfshirë HQ-20, HQ-19 dhe HQ-29. Ato mund të bëjnë mbrojtje antibalistike me rreze e shtresa të
shumta dhe të luftojnë kundër kërcënimeve ajrore nga të gjitha rrezet.

Armët kundër dronave janë projektuar për të mbrojtur hapësirën e ulët. Në këtë formacion përfshihen
raketat kundër dronave dhe sistemi i artilerisë, armët me lazer me fuqi të madhe dhe armët me
mikrovalë me fuqi të madhe. Këto tri lloje armësh mund të nxjerrin nga përdorimi dhe të shkatërrojnë
dronat armiq.

Llojet e reja të raketave hipersonike, duke përfshirë YJ-21, DF-17 dhe DF-26D, mund të fluturojnë me
shpejtësi jashtëzakonisht të lartë, janë të afta në kapërcimin e bllokadave dhe mund të godasin
objektivat me saktësi të lartë. Ato janë jetike për fitoren gjatë betejës në të gjitha rrethana.

Burimi CGTN