Të hënën u mbajtën në Rio-de-Zhanejro Seminari i BRICS-it për Qeverisjen dhe Forumi i Shkëmbimeve Kulturore për vitin 2025, që e vënë fokusin në mënyrën se si bashkëpunimi i BRICS-it mund të sjellë qëndrueshmëri e siguri në një botë në ndryshim të vazhdueshëm.

Në këtë veprimtari morën pjesë më shumë se 120 përfaqësues nga vendet e BRICS-it, duke përfshirë Kinën, Brazilin, Rusinë, Indinë, Afrikën e Jugut, Egjiptin e Indonezinë, si edhe organizata të ndryshme ndërkombëtare.

Foto nga china.com.cn

Pjesëmarrësit vunë në dukje se, me zgjerimin historik të BRICS-it, ky mekanizëm ka hyrë në një fazë të re të “Bashkëpunimit të BRICS-it të Madh”, duke rritur më tej përfaqësimin dhe ndikimin e tij në arenën globale.

Pjesëmarrësit vlerësuan kontributet aktive të Kinës në zhvillimin dhe qeverisjen globale, si edhe rolin udhëheqës të saj në përparimin e bashkëpunimit të BRICS-it dhe në nxitjen e solidaritetit ndërmjet vendeve të Jugut Global. Ata i cilësuan nismat globale të Kinës si platforma kryesore për të nxitur përparimin e përbashkët në fushën e zhvillimit, sigurisë e shkëmbimeve kulturore.

Forumi përfshiu gjithashtu një ekspozitë fotografike me temë kulturore, ndërsa gjatë tij u publikuan edhe dy raporte lidhur me bashkëpunimin e BRICS-it.

Forumi u organizua në bashkëpunim nga Departamenti i Promovimit i Komitetit Qendror të Partisë Komuniste të Kinës, Grupi Ndërkombëtar i Komunikimit i Kinës dhe Instituti Kombëtar i Gjeografisë dhe i Statistikave i Brazilit.

Burimi CGTN