Zgjedhjet e 11 majit, Hoxha: Shtyhet deri në 31 maj vlefshmëria për dokumentet e skaduara të identitetit

Këshilli i Ministrave miratoi sot shtyrjen e afatit të vlefshmërisë për dokumentet e identitetit që skadojnë deri në 11 maj


Këshilli i Ministrave miratoi sot shtyrjen e afatit të vlefshmërisë për dokumentet e identitetit që skadojnë deri në 11 maj

Ministri i Brendshëm, Ervin Hoxha bëri të ditur sot, pas mbledhjes së qeverisë se, “në mbledhjen e sotme të Këshillit të Ministrave u miratuan dy akte shumë të rëndësishme për shtyrjen e afatit të vlefshmërisë së dokumenteve të identitetit, të cilave u ka skaduar ose u përfundon ky afat në datë 11 maj 2025, për shtetasit me vendbanim brenda territorit të Republikës së Shqipërisë”.

Hoxha theksoi se, “nga një analizë e të dhënave, rezulton se janë një numër i konsiderueshëm shtetasish me të drejtë vote, të cilëve u ka kaluar apo u skadon afati i vlefshmërisë së letërnjoftimit elektronik dhe pasaportave biometrike deri në 11 maj. Këto janë dokumente të domosdoshme për të marrë pjesë në procesin e votimit”.

Hoxha nënvizoi se, “miratimi i akteve normative merret me qëllim garantimin e së drejtës kushtetuese të të gjithë shtetasve për të votuar pa pengesa, në zgjedhjet e përgjithshme parlamentare”.

Sipas këtij vendimi, afati i vlefshmërisë së mjeteve të identifikimit, letërnjoftime elektronike dhe pasaporta biometrike që përfundojnë në datën 11 maj 2025 – shtyhet deri në datën 31 maj 2025.

Së fundmi, shtoi Hoxha, “subjekte politike i kanë kërkuar KQZ, Ministrisë së Brendshme dhe Këshillit të Ministrave, shtyrjen e afatit të vlefshmërisë së dokumenteve të skaduara”.

Ministri Hoxha bëri me dije se, “në janar 2025, KQZ iu drejtua qeverisë nëpërmjet një kërkese lidhur me problemin e vlefshmërisë së dokumenteve të identifikimit për shtetasit që jetojnë jashtë Shqipërisë.

Në shkurt 2025 u miratuan Aktet Normative, që kishin të bënin me shtyrjen e afatit të vlefshmërisë së dokumenteve për shtetasit shqiptarë në diasporë”.

“Ministria e Brendshme në bashkëpunim me KQZ, institucionet e varësisë, si Shërbimi i Gjendjes Civile, apo agjencitë e tjera, kanë ndërmarrë të gjitha masat në përmbushje të detyrimeve ligjore, për të siguruar që procesi zgjedhor i 11 Majit të zhvillohet në mënyrë të qetë dhe pa pengesa për qytetarët tanë jashtë dhe brenda kufijve”, tha ai.

Hoxha u shpreh se, “janë marrë ndërkohë të gjitha masat për mbarëvajtjen e procesit zgjedhor nga pikëpamja e sigurisë. Policia e Shtetit do të kalojë në shërbim të përforcuar për të përballuar me sukses procesin para, gjatë dhe pas mbylljes së votimit, duke zbatuar me korrektësi ligjin dhe detyrimet që rrjedhin nga Kodi Zgjedhor”.

Ministri bëri me dije për gjithë qytetarët, se “po punohet intensivisht për të garantuar mbarëvajtjen e aktiviteteve të rëndësishme që do të mbahen këto ditë në Shqipëri, që janë “Giro d’Italia” në datat 8, 9 dhe 10 maj, si dhe Samiti i Komunitetit Politik Europian, që do të mbahet më 16 maj, në Tiranë”.

“Kërkoj mirëkuptimin e qytetarëve për bllokimet e detyrueshme në lëvizje dhe qarkullim rrugor, të cilat siç kanë nisur të njoftohen, do të bëhen publike me detaje nga ana e Drejtorisë së Përgjithshme të Policisë së Shtetit”, tha Hoxha.

Burimi ATSH

Lexo më shumë nga

Rama: Frekuentim mbresëlënës nga qytetarët në platformën “Fol me Kryeministrin”

Platforma “Fol me Kryeministrin” shërben si një urë funksionale komunikimi në 24 orë, ku një skuadër e dedikuar garanton shkëmbimin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama: Frekuentim mbresëlënës nga qytetarët në platformën “Fol me Kryeministrin”

Platforma “Fol me Kryeministrin” shërben si një urë funksionale komunikimi në 24 orë, ku një skuadër e dedikuar garanton shkëmbimin…