Të paktën 250 000 persona, sipas të dhënave nga Vatikani, përcollën sot për në banesën e fundit papa Françeskun.

Në ceremoni morën pjesë edhe 160 delegacione nga e gjithë bota, liderë botërorë, familje mbretërore si edhe përfaqësues të besimeve të tjera fetare.

Gjithashtu merr pjesë edhe një delegacion nga Shqipëria, i kryesuar nga Presidenti Bajram Begaj.

Arkivoli i papa Françeskut po përshkon tani Romën me një makinë të ashtuquajtur papamobile.

Pas shërbimit mortor në sheshin e Shën Pjetrit, arkivoli i papa Françeskut do të përshkojë Romën përgjatë një rruge prej gjashtë kilometrash deri në Bazilikën e Shën Marisë së Madhe, ku papa do të prehet.

Burimi ATSH