Kryetari i Partisë Demokratike, Sali Berisha përcolli sot mesazhe urimi për Pashkën nga Kisha Ortodokse Autoqefale, në Tiranë.

Berisha u prit nga kryepeshkopi Joan Pelushi, ku dha edhe mesazhin e tij në këtë ditë Pashke.

“Puna e madhe të çmuar që bëni në vazhdim të veprës së pavdekshme të Imzot Janullatos, i cili punoi me një përkushtim të jashtëzakonshëm dhe ngriti nga rrënojat. Historia e Krishtit Mbret, është ripërsëritur në Shqipëri, sepse edhe këtu u mendua që ta rrafshonin fenë dhe besimin fetar, por ju u ngritët nga hiri, e ngritët dhe sot është perfomancë të shkëlqyer, me një mbështetje të gjerë të besimtarëve, me të gjitha institucionet”, tha Berisha.

Ai theksoi se, në Shqipëri, përpoqën ta fshijnë dhe pluralizmin, por morën dhe do të marrin atë që meritojnë.

“Sot pluralizmi është i fortë, kaloi prova të mëdha dhe kam besim të madh që shpresa, optimizmi dhe e ardhmja do të jenë ajo që meritojnë dhe do kenë shqiptarët”, u shpreh Berisha.

Burimi ATSH