Kryetarja e Kuvendit, Elisa Spiropali priti në një takim sot dy personalitete rumune me origjinë të hershme shqiptare, deputetin Bogdan Alin Stoica, dhe Sekretarin e Shtetit Kundër Diskriminimit, njëkohësisht president i Lidhjes së Shqiptarëve të Rumanisë, Radu Cosmin Savulescu.

Gjatë takimit ata zhvilluan një bashkëbisedim të ngrohtë mbi lidhjet tradicionale dhe intensifikimin e bashkëpunimit të sotëm mes Shqipërisë dhe Rumanisë.

Në fokus të takimit ishte edhe kontributi i diasporës së hershme e të re në zhvillimin e Shqipërisë dhe si faktor i miqësisë mes dy popujve.

Burimi ATSH