Shërbimin ORL në QSUT, është realizuar për herë të parë një ndërhyrje unike për korrigjimin e një fistule post-laringektomi totale, duke përdorur flapin pektoral.

Ministrja e Shëndetësisë dhe Mbrojtjes Sociale, Albana Koçiu bëri të ditur sot se ky operacion i hap rrugën ndërhyrjeve të tjera rekonstruktive që përmirësojnë cilësinë e jetës për pacientët me defekte të ngjashme.

Ajo shprehu mirënjohje për ekipin e kirurgëve dhe anestezistëve,dr. Xhevair Hoxhallari, dr.Ermal Pashai, dr. Tedi Minarolli, dr. Arber Gjermeni, dr. Elida Agaci, dr. Ervin Dyrmishi, instrumentaret Teuta Duravaku, Stela Mine, infermieret Monika Kita dhe Marsel Muço dhe Flutura Hyseni.