Mbi 120.000 shqiptarë kanë bërë kërkesë për regjistrim në Platformën Elektronike për Regjistrimin (PER) e votuesve nga jashtë, që prej datës 11 janar 2025.

Sipas shifrave të publikuara nga KQZ sot, deri në orën 18:00 janë 74 626 kërkesa të miratuara deri tani, teksa 43 906 janë refuzuar.

Shtetasit shqiptarë me banim jashtë vendit mund të aplikojnë sërish për të votuar nga aty ku jetojnë me postë.

KQZ fton qytetarët që të shkarkojnë aplikacionin mobile KQZ për Android dhe IOS, ose të vizitojnë www.kqz.gov.al (rubrika Votues nga Jashtë) për të marrë të gjitha informacionet se si mund të votojnë nga jashtë territorit të Shqipërisë për zgjedhjet për Kuvendin e Shqipërisë 2025.

Burimi ATSH