Për herë të parë, bashkitë Durrës, Lezhë dhe Kurbin do të kenë politikë për parandalimin dhe adresimin e dhunës dhe ngacmimit seksual në mjedisin e punës, falë mbështetjes dhe ekspertizës së ofruar nga PNUD.

Prezantimi i draftit të parë të kësaj politike u bë në një takim, ku morën pjesë përfaqësues dhe drejtues të bashkive Durrës, Lezhë dhe Kurbin, Shërbimeve Sociale dhe Qendrave “Fuqizojmë Komunitetin” në këto tre bashki.

Qëllimi i kësaj politike është të nxisë, promovojë dhe garantojë krijimin e një mjedisi të sigurt dhe të shëndetshëm pune duke parandaluar, reduktuar dhe eliminuar çdo formë të dhunës, diskriminimit, ngacmimit, ngacmimit seksual dhe abuzimit me autoritetin në mjedisin e punës.

Kjo nismë është pjesë e programit “Fuqizojmë Komunitetin”, një iniciativë e UNDP Shqipëri, financuar nga USAID/Albania dhe zbatuar në bashkëpunim me Ministrinë e Shëndetësisë dhe Mbrojtjes Sociale bashkitë Durrës, Lezhë dhe Kurbin si dhe organizatat e linjës.

(ATSH)