Hoxha: Mbështetje AMP-së për forcimin e hetimeve proaktive kundër korrupsionit në polici

Oficerët e Policisë Gjyqësore të Agjencisë së Mbikëqyrjes Policore (AMP) dhe të Policisë së Shtetit kanë nisur një trajnim, i cili ka për qëllim hetimin e krimeve, sipas një moduli të standardizuar bashkëkohor dhe të miratuar tashmë nga Prokurori i Përgjithshëm


Oficerët e Policisë Gjyqësore të Agjencisë së Mbikëqyrjes Policore (AMP) dhe të Policisë së Shtetit kanë nisur një trajnim, i cili ka për qëllim hetimin e krimeve, sipas një moduli të standardizuar bashkëkohor dhe të miratuar tashmë nga Prokurori i Përgjithshëm.

Trajnimi po kryhet me mbështetjen e ICITAP (International Criminal Investigative Training Assistence Program).

Ministri i Brendshëm, Ervin Hoxha, në fjalën e tij përshëndetëse në fillim të këtij trajnimi, theksoi mbështetjen e plotë për AMP-në dhe çdo institucion tjetër të varësisë, që do t’i nënshtrohen një procesi efektiv reformimi.

“Agjencia e Mbikëqyrjes Policore do të ketë mbështetjen time më të fortë, duke rritur dhe forcuar më tej hetimet proaktive në luftë kundër korrupsionit në radhët e Policisë së Shtetit”, tha ministri Hoxha.

Hoxha u shpreh se “për të pasur një reformë të suksesshme, ndër të tjera kemi nevojë që AMP të jetë sa më dinamike në ushtrimin e funksioneve dhe detyrave të saj. Që të arrihen objektivat tona, duhet që punonjësit e AMP të kenë përgatitjen e duhur profesionale, integritetin dhe personalitetin e duhur”.

“Moduli i standardizuar, i hartuar nga specialistët më të mirë të ICITAP, i cili në miratim me Prokurorin e Përgjithshëm, do të jetë një udhërrëfyes shumë i qartë për veprimet procedurale të punonjësve të AMP-së të të tri roleve, por edhe të punonjësve të Policisë së Shtetit. E vlerësoj këtë iniciativë të domosdoshme, jo vetëm se synon të përmirësojë aftësitë tona në fushën e sigurisë, por është edhe një shenjë shumë e fortë e angazhimit të vazhdueshëm të ICITAP dhe ekspertëve të tij, për të mbështetur Shqipërinë në përpjekjet e saj për forcimin e institucioneve ligjzbatuese”, nënvizoi Hoxha.

Ministri Hoxha shprehu bindjen se ky trajnim ofron një mundësi dhe një perspektivë shumë të madhe për të gjithë punonjësit e Agjencisë së Mbikëqyrjes Policore, po ashtu është edhe një pjesë e pandashme për të përmirësuar dhe kapërcyer çdo vështirësi, duke rritur kapacitetet e aftësive të kësaj agjencie në fushat e drejtimit përkatës, për të kontribuar për një sistem të të fortë të rendit dhe ligjit.

Hoxha falënderoi misionin ICITAP dhe dy ekspertët, të cilët kanë hartuar me një angazhim maksimal dhe arritën të përcjellin njohuritë e tyre për këtë modul trajnimi.

(Marrë nga ATSH)

Lexo më shumë nga

Kuvendi miraton në parim me 80 vota projektbuxhetin 2027

Kuvendi, pak pas mesnate, miratoi në parim me 80 vota projektbuxhetin për vitin 2027, i cili synon rritje ekonomike të…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kuvendi miraton në parim me 80 vota projektbuxhetin 2027

Kuvendi, pak pas mesnate, miratoi në parim me 80 vota projektbuxhetin për vitin 2027, i cili synon rritje ekonomike të…