Mazniku pret ministrin izraelit: Të vendosur për thellimin e marrëdhënieve dypalëshe

Ministri i Shtetit për Pushtetin Vendor, Arbjan Mazniku pret ministrin e Brendshëm i Izraelit, Moshe Arbel


Ministri i Shtetit për Pushtetin Vendor Arbjan Mazniku dhe ministri i Brendshëm i Izraelit, Moshe Arbel, janë shprehur të vendosur për të thelluar marrëdhëniet dypalëshe midis Shqipërisë dhe Izraelit. Në takimin e tyre të sotëm në Tiranë, dy ministrat diskutuan mundësitë e bashkëpunimit në fusha të ndryshme, përfshirë pushtetin vendor dhe zhvillimin ekonomik.

Në një postim në rrjetet sociale, ministri Mazniku solli në fokus marrëdhëniet midis shqiptarëve dhe hebrenjve, të cilat kanë një histori të gjatë dhe të veçantë, që kulmon gjatë Luftës së Dytë Botërore, kur mijëra hebrenj gjetën strehim dhe mbrojtje në Shqipëri.

“Me krenari diskutuam për këtë histori të përbashkët me ministrin e Brendshëm të Izraelit, Moshe Arbel, në vizitën e tij në vendin tonë. Gjithashtu, folëm për mundësinë e bashkëpunimit në rrafshin e pushtetit vendor, si dhe për të shkëmbyer eksperiencat midis qyteteve tona në fusha ekonomike,” theksoi ministri Mazniku.

Marrëdhëniet Shqipëri-Izrael po forcohen gjithnjë e më shumë në aspektin ekonomik dhe jo vetëm. Bashkëpunimi mes Shqipërisë dhe Izraelit shtrihet në shumë fusha, duke nisur nga buqësia, energjia, inovacioni, kultura etj.

Gjatë Luftës së Dytë Botërore, Shqipëria ishte një nga vendet e pakta që ofroi strehim për hebrenjtë, duke i mbrojtur ata nga persekutimi nazist. Kjo trashëgimi e mikpritjes dhe mbështetjes ka vazhduar të forcohet me kalimin e viteve, duke krijuar një bazë të fortë për bashkëpunim në të gjitha fushat.

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA