Mëngjesin e 6 majit sipas kohës lokale, Peng Liyuan, bashkëshortja e Presidentit Xi Jinping dhe e Dërguara e Posaçme e UNESCO-s për Promovimin e Arsimimit të Vajzave dhe Grave, u ftua të vizitonte selinë e UNESCO-s në Paris.

Pas mbërritjes, Peng Liyuan u prit përzemërsisht në hyrje nga Drejtori i Përgjithshëm i UNESCO-s Azoulay.

Azoulay e shoqëroi Peng Liyuan për të vizituar “Ekspozitën e Arritjeve të Dhjetë Viteve të Bashkëpunimit mes Kinës dhe UNESCO-s”. Ai foli gjatë për kontributin e Kinës në promovimin e zhvillimit të arsimit të vajzave dhe grave në mbarë botën.

Gjatë bisedimeve me Azoulay, Peng Liyuan prezantoi shkurtimisht përparimet e fundit të Kinës në promovimin e arsimimit të vajzave dhe grave, veçanërisht rezultatet e arritura nga “Plani i Budit të Pranverës”. Peng Liyuan u shpreh: “Unë kam shërbyer si e Dërguara e Posaçme e UNESCO-s për të promovuar arsimimin e vajzave dhe grave për dhjetë vjet. Kam vizituar shkolla në shumë vende arsimimi. Promovimi i arsimimit për vajzat dhe gratë është një çështje madhore që lidhet me përparimin shoqëror dhe fatin e përbashkët të njerëzimit. Kina është e gatshme të punojë me UNESCO-n për të nxitur të gjitha palët të rrisin investimet në arsimimin e vajzave dhe grave në mbarë botën, për të ndihmuar më shumë gra të fitojnë të drejta të barabarta për arsimim, për të krijuar një të ardhme më të mirë të përbashkët.”

Azoulay vlerësoi punën dhe kontributet e Peng Liyuan që pas marrjes së detyrës si e dërguara e posaçme, duke thënë se UNESCO është e gatshme të forcojë shkëmbimet dhe bashkëpunimin me Kinën, për të nxitur zhvillime të reja në edukimin global të vajzave dhe grave.

Azoulay i dorëzoi Peng Liyuan një certifikatë nderi për 10 vjetorin e kryerjes së detyrave të të dërguares së posaçme. Peng Liyuan i dhuroi UNESCO-s sixhaden “Spring Buds Blooming” të qendisur nga përfituesit e projektit “Spring Bud”.

Burimi: CRI.CN