Gjatë muajit mars të këtij viti, kreditimi nga bankat për sektorin privat shënoi vlerën e 20.1 miliardë lekëve ose 20.8% më shumë se një vit më parë, bëri të ditur Banka e Shqipërisë.

Referuar statistikave të BSH-së, sektorët që janë mbështetur më së shumti me kredi gjatë muajit mars janë “Tregtia me shumicë dhe me pakicë”, me një fond prej 6 miliardë lekë hua të marra nga banka, ose 30.3% të totalit të kredisë.

Në vendin e dytë dhe të tretë renditen “Ndërtimi” dhe “Industria Përpunuese” me 4.9 miliardë lekë kredi, që përbëjnë përkatësisht 24.7% dhe 12.7% të kredisë totale të dhënë për sektorin privat.

“Akomodimi dhe shërbimi ushqimor” ndjek në vend të katër, me rreth 1.3 miliardë lekë kredi të re gjatë muajit të tretë të vitit. Ndërkohë, sektorët si “Administrim publik dhe mbrojtje” apo “Furnizimi me ujë dhe menaxhimi i mbetjeve” ishin sektorët me nivelin më të ulët të kreditimit.

(ATSH)