Ambasadori i Bashkimit Evropian në Tiranë, Silvio Gonzato u shpreh sot me rastin e Ditës Botërore të Lirisë së Shtypit se, shtypi i pavarur, që punon në një mjedis të sigurt, është i domosdoshëm.

“Është shumë e rëndësishme që njerëzit të kenë akses në informacione të sakta dhe të bazuara në fakte. Gazetarët janë shumë të rëndësishëm për një shoqëri demokratike sepse, nëse njerëzit nuk marrin informacion të saktë, ata nuk mund të marrin vendimet e duhura, nuk mund të kenë mendimin e duhur për çështje kritike”, tha ai në një intervistë televizive.

“Sot është një ditë për të kujtuar edhe një herë se shtypi i pavarur, që punon në një mjedis të sigurt, është i domosdoshëm”, tha ambasadori i BE-së, Silvio Gonzato.