Strategjia e Zhvillimit të Sipërmarrjes Inovative 2024-2030 ishte në qendër të diskutimit mes Ministres së Shtetit për Sipërmarrjen dhe Klimën e Biznesit dhe vajzave dhe grave sipërmarrëse.

Përmes një postimi në rrjete sociale, Delina Ibrahimaj, Ministre e Shtetit për Sipërmarrjen dhe Klimën e Biznesit nënvizon se synimi është promovimi dhe fuqizimi i rolit të gruas në sipërmarrje.

“Me vajzat dhe gratë sipërmarrëse vijuam konsultimin publik për përmirësimin e draft Strategjisë së Zhvillimit të Sipërmarrjes Inovative 2024-2030!

Synimi im është që të promovoj dhe fuqizoj rolin e gruas në sipërmarrje, duke ofruar më shumë mundësi dhe lehtësira për pjesëmarrje aktive dhe te suksesshme ne krijimin dhe menaxhimin e startup-eve!

Çdo mendim dhe sugjerim është një hap i rëndësishëm drejt zhvillimit të një mjedisi më inovativ dhe mbështetës për sipërmarrjen”, u shpreh Ibrahimaj.

Konsultimi publik për Strategjinë do të vazhdojë të jetë i hapur deri në fund të muajit prill.