Ministrja e Shtetit për Sipërmarrjen dhe Klimën e Biznesit, Delina Ibrahimaj priti sot në një takim në Shtëpinë e Biznesit, ministrin Federal të Austrisë për Punën dhe Ekonominë, Martin Kocher.

Në takim u diskutua për bashkëpunimin e frytshëm mes dy qeverive, si dhe u nda angazhimi për nisma konkrete për të mbështetur bizneset, në krijimin e një mjedisi më të favorshëm për investime dhe inovacion, në sektorët prioritarë dhe ekosistemin e startup-ve, theksoi Ibrahimaj në një postim në rrjetet sociale.

“Shqipëria dhe Austria mbeten të përkushtuara për të forcuar partneritetin mes tyre, drejt integrimit evropian”, nënvizoi ministrja Ibrahimaj.