Ambasadorja e Shqipërisë në Bullgari, Inid Milo, mori pjesë në datë 25 janar në ceremoninë e hapjes së vitit akademik të programit EMBA të Universitetit Amerikan në Bullgari (AUBG).

Pjesë e këtij programi janë edhe studentë nga Shqipëria, si dhe nga vende të ndryshme të rajonit. EMBA nëpërmjet programeve të tij, promovon ndërlidhjen mes profesionistëve nga vende dhe fusha të ndryshme të rajonit të Ballkanit.

Universiteti amerikan në Bullgari (AUBG) ka formuar ndër vite një plejade studentësh shqiptarë, të cilët kanë vënë njohuritë dhe dijet e tyre në shërbim të shtetit shqiptar, si dhe përfaqësojnë denjësisht Shqipërinë, kudo ku jetojnë dhe punojnë në mbarë botën.