Në zyrat e Komitetit Olimpik Kombëtar Shqiptar (KOKSH) është zhvilluar ditën e djeshme takimi me grupin Monitorues të Konventës Evropiane Antidoping.

Presidenti i KOKSH, Fidel Ylli, në fjalën e tij shprehu se, sportistët, trajnerët dhe federatat kanë nevojë për më shumë informacione dhe trajnime mbi antidoping, për zhvillimin dhe cilësinë e sportit në Shqipëri sipas standardeve botërore.

Delegacioni përbëhej nga përfaqësues të Wades nga disa shtete të ndryshme, Michael Petrou përfaqësues i Qipros, Yasemine Godek përfaqësues i Turqisë, Michal Rynkowski përfaqësues i Polonisë, si dhe Julien Attuil-Kayser, shef i Antidopingut dhe Sekretar i Këshillit të Evropës.

Në përfundim të takimit pranë ambienteve të KOKSH, u realizua dhe një takim me federatat sportive.