Ministrja e Shtetit për Marrëdhëniet me Parlamentin, Elisa Spiropali Takim zhvilloi sot një takim me Robert Benjamin, drejtor për Europën Qendrore dhe Lindore i Institutit Demokratik Amerikan (NDI) dhe ekipin e tij.

Spiropali shprehu vlerësimin e mirënjohjen për asistencën që NDI ka ofruar vijimësisht për Kuvendin, përfshirë ngritjen e konsolidimin e Institutit Parlamentar, duke përmirësuar kryerjen e funksioneve legjislative, mbikëqyrëse e përfaqësuese të Parlamentit.

Në takim u diskutua mbi ecurinë lidhur me 24 angazhimet e rëndësishme të Shqipërisë në adresim të sfidave të Partneritetit për Qeverisje të Hapur (OGP), rëndësinë e nxitjes së pjesëmarrjes aktive të shoqërisë civile në proceset legjislative, si dhe edukimin dhe pjesëmarrjen më efektive të qytetarëve në veprimtarinë parlamentare.

“Bashkëpunime të reja na presin”, u shpreh Spiropali.