Ministrja e Shtetit për Marrëdhëniet me Parlamentin, Elisa Spiropali, e cila ndodhet për një vizitë zyrtare në Uashington, u takua sot me përfaqësues të “Partneritetit për Qeverisjen e Hapur” (OGP), Alonso Cerdan dhe Denisse Miranda.

Shqipëria është një nga 77 vendet me angazhim shumëplanësh në OGP.

“Transparenca dhe llogaridhënia, revolucioni digjital në shërbime, lufta kundër korrupsionit, menaxhimi i financave, publikimi i të dhënave qeveritare & konsultimet publike, Parlamenti i Hapur, janë vetëm disa nga elementet e strategjisë tonë Kombëtare për Qeverisje të Hapur 2023-2025”, u shpreh Spiropali.

Sipas saj, Komiteti Shumëpalësh mbi Partneritetin siguron strukturë për komunikim të rregullt, shumëpalësh midis qeverisë dhe aktorëve kryesorë të shoqërisë civile, duke mundësuar transparencë, përgjegjshmëri, forma inovatore për një politikëbërje më gjithëpërfshirëse. (ATSH)