Kryetarja e Kuvendit, Lindita Nikolla u takua në New York me Mark Gjonaj, Kryetar i Këshillit Koordinues të Diasporës.

Nikolla dhe Gjonaj diskutuan mbi nevojën dhe dobinë e rritjes së kontributit të Diasporës, si një aset i çmuar për zhvillimin e Shqipërisë.

Kryetarja Nikolla theksoi se Kuvendi do të vijojë të bashkëpunojë me komunitetet dhe përfaqësuesit e Diasporës, në mënyrë që kontributi i saj në zhvillimin e vendit të jetë më i madh, më produktiv dhe më influent.

Kryetarja Nikolla e falenderoi Gjonaj për angazhimin për afirmimin e Diasporës shqiptare në New York e SHBA dhe për shërbimin e vyer si Kryetar i Këshillit Koordinues të Diasporës.

Mark Gjonaj rikonfirmoi vulllnetin dhe përpjekjet e Këshillit Koordinues të Diasporës për të bashkëpunuar me Kuvendin dhe institucionet e Shqipërisë për zgjerimin e përfaqësimit dhe aksesit të Diasporës në zhvillimin ekonomik, shoqëror e politik të vendit.