Nga Akad. Vasil S. Tole

29 shtator-Dita Kombëtare e Trashëgimisë Kulturore.

Në vitin 2003, kohë kur ligji nr. 9048 “Për trashëgiminë kulturore” u miratua, askush nuk e mendonte se propozimi ynë për të pasur një ditë dedikuar trashëgimisë sonë do të ripërmasohej dhe çmohej nga viti në vit.

29 shtatori është dita kur kujtojmë me respekt trashëgiminë kombëtare shqiptare, pjesë e trashëgimisë kulturore evropiane, kur të gjitha vlerat e saj materiale e jo materiale bëhen një së bashku me njerëzit që ato i krijuan dhe i ruajtën për t’ua përcjellë brezave si dëshmi e identitetit kulturor evropian.

Kjo është dita kur të gjithë ne përulemi me respekt për kontributin e restauratorëve, arkitektëve, studiuesve dhe shkencëtarëve, bartësve të folklorit dhe artizanëve, të gjithë njerëzve të njohur apo anonimë të cilët i dhanë kuptim fjalës Shqiptar.

“Dëshmorët e monumenteve” të vitit 1916: Major Kamber Bënja, Bexhet Manastirliu dhe Abaz Taushani i dhanë shpirtin e tyre kësaj date simbolike.

Gëzuar Ditën Kombëtare të Trashëgimisë!