Presidenti i Republikës, Bajram Begaj dekretoi sot datën 24 shtator 2023 si datën e zhvillimit të zgjedhjeve për kryetar Bashkie në bashkinë e Kukësit.

Begaj shpalli sot dekretin për “Caktimin e datës së zgjedhjeve për Kryetar të Bashkisë Kukës”.

Këshilli i Ministrave shkarkoi nga detyra në 16 qershor 2023 kryetarin e bashkisë së Kukësit, Safet Gjici, pas publikimit në medie të një videoje.

Më herët, ishte vetë kryetari i bashkisë së Kukësit që deklaroi se kishte paraqitur dorëheqjen e tij nga posti që mbante prej vitit 2019.