Ambasadorja e Zvicrës në Tiranë, Ruth Huber deklaroi sot se Zvicra po mbështet prej 3 dekadash Shqipërinë për zbatimin e reformës në sektorin energjetik.

Këto reforma, sipas saj, kanë ndikuar në përmirësimin e kapaciteteve prodhuese dhe përmisërimin e sigurisë së digave.

“Jemi të lumtur që Shqipëria po ecën para sa i përket diversifikimit të sektorit të energjisë drejt burimeve të rinovueshme dhe po paraqet eficiencën e energjisë. Jemi krah për krah Shqipërisë për të ndihmuar”, tha ajo, në ceremoninë e ankandit të parë për ndërtimin e parqeve eolike, që u mbajt sot në Tiranë.

Ajo vuri në dukje se parimet e qeverisjes së mirë duhet të udhëheqin procese si ky ankand i sotëm.

“Transparenca, llogaridhënie dhe pjesëmarrja janë të rëndëshme. Këto sjellin përfitim për tre aktorët në këtë proces, palët politike, sektorin privat dhe konsumatorin, të cilit i ofrohen çmime më të mira”, tha ajo.