Shefi i Shtabit të Përgjithshëm të Forcave të Armatosura, Gjeneral Brigade Arben Kingji, priti Komandanten e Gardës Kombëtare të New Jersey (GKNJ), Gjeneral Brigade Lisa Hou.

Gjenerali Kingji i shprehu konsideratat më të larta Gjeneral Hou për mbështetjen që japin SHBA-të nëpërmjet Programit të Partneritetit në ndihmë të përmirësimit dhe forcimit të mëtejshëm të kapaciteteve të Forcave të Armatosura.

POSTIMI I SHEFIT I SHTABIT TË PËRGJITHSHËM

Kënaqësi për mua të pres Komandanten e Gardës Kombëtare të New Jersey-t (GKNJ), Gjeneral Brigade Lisa Hou, takim sa miqësor po aq dhe i rëndësishëm me fokus bisedimi thellimin e bashkëpunimit me Gardën Kombëtare në fusha si, trajnimi i personelit për përdorimin e teknikës së re të armatimit, mirëmbajtjen e mjeteve dhe pajisjeve, shëndetësi, mbrojtjen kundër armëve të dëmtimit në masë, arsimimin e personelit, mbrojtjen kibernetike, si dhe zhvillimin e stërvitjeve të përbashkëta me qëllim aftësimin praktik të efektivëve të FA.

? I shpreha konsideratat më të larta Gjeneral Hou për mbështetjen që japin SHBA-të nëpërmjet Programit të Partneritetit në ndihmë të përmirësimit dhe forcimit të mëtejshëm të kapaciteteve të Forcave të Armatosura.