Ambasadorja e Shqipërisë në Belgjikë, Albana Dautllari, mori pjesë në pritjen tradicionale të Vitit të Ri, organizuar në Pallatin Mbretëror në Bruksel për trupin diplomatik.

Gjatë pritjes, Ambasadorja Dautllari shkëmbeu urimet e Vitit të Ri me Madhëritë e Tyre, Mbretin Philippe dhe Mbretëreshën Mathilde duke përcjellë urimet më të mira të Shqipërisë për Belgjikën dhe qytetarët e saj.

Kjo pritje shërbeu si një moment reflektimi dhe optimizmi për vitin 2026, si dhe një rast për të theksuar rëndësinë e forcimit të mëtejshëm të marrëdhënieve miqësore dhe bashkëpunimit mes Shqipërisë dhe Belgjikës.