Peshëngritësja e Partizanit, Desjana Koni ka fituar dy medalje bronzi në Kampionatin Ballkanik që po zhvillohet në Durrës.

Sportistja shqiptare u rendit e treta në stilin e shtytjes dhe në dygarësh për peshën deri 53 kilogramë. Koni ngriti 164 kilogramë në total.

Në provën e shkëputjes Koni u rendit e katërta, me ngritje 71 kg në të parën, 74 kg në të dytën dhe pa realizuar 77 kg në të tretën. Në shtytje tregoi më shumë saktësi: 85 kg, 88 kg dhe 90 kg, që i siguruan medaljen e bronztë edhe në këtë disiplinë, edhe në dygarësh.

Një meritë të veçantë për këtë rezultat ka edhe trajneri i Partizanit, Ervis Tabaku.

Ky rezultat sinjalizon një rikthim të fuqishëm të peshëngritjes shqiptare, ndërsa të mërkurën pritet dueli mes Briken Caljes dhe Erkand Qerimajt në peshën deri 79 kg, ku priten edhe medalje të tjera për kuqezinjtë.

Në Kampionatin Ballkanik për të rritur në peshëngritje marrin pjesë 69 sportistë nga 8 vende të rajonit.

Kampionati Ballkanik i Peshëngritjes për të rritur është kthyer pas 38 vitesh mungesë në Shqipëri.

Marrë nga ATSH