Kryeministri Edi Rama tha sot në Kuvend se buxheti i vitit 2026 është historik për Partinë Socialiste, duke synuar për herë të parë një mbështetje të qëndrueshme dhe domethënëse për pensionistët, përmes një angazhimi financiar afatmesëm prej 1.7 miliardë eurosh.

Kreu i qeverisë duke prezantuar projektbuxhetin e vitit 2026 të propozuar nga qeveria se ky është buxheti i konsolidimit të rritjes qëndrueshme sociale dhe shëndetësore.

Duke i’u përgjigjur opozitës për çështjen e pensionistëve, Rama theksoi gjatë seancës plenare të Kuvendi të Shqipërisë se, “fjalët i merr era, por faktet mbeten. Të gjithë ata që dëgjojnë nga foltorja ose nga tryezat e Kuvendit do të mund t’i verifikojnë këto masa në muajt dhe vitet që vijnë, ashtu siç kanë parë gjithmonë realizimin e angazhimeve tona”.

Kryeministri gjithashtu nënvizoi se sa më shumë të thuhet që ne nuk po i rrisim pensionet aq më shumë pensionistët do të binden se nuk ka asnjë alternativë tjetër në Shqipëri për ta dhe për nipërit e mbesat e tyre përveç PS-së.

Buxheti i 2026-shit konsolidon një rritje të qëndrueshme sociale dhe shëndetësore, duke synuar përmirësimin e cilësisë së jetës për qytetarët dhe mbështetjen e pensionistëve, si një nga prioritetet kryesore të qeverisë.

Burimi ATSH