Shqipëria dhe Kosova kanë arritur një moment historik në futboll, duke u kualifikuar të dyja në fazën “play-off” të kualifikueseve të Botërorit “SHBA–Meksikë–Kanada 2026”, një arritje që vjen për herë të parë në histori për të dy ekipet kombëtare.

Në këtë atmosferë suksesi dhe krenarie mbarëkombëtare, Kryeministri Edi Rama publikoi mbrëmjen e sotme një imazh simbolik, ku paraqitet shqiponja dykrenare – simbol kombëtar – e cila mban në njërin krah flamurin kuqezi të Shqipërisë dhe në tjetrin flamurin e Republikës së Kosovës, ndërsa në qendër vendoset trofeu i Kupës së Botës.

Postimi i Ramës vjen si mesazh uniteti, frymëzimi dhe besimi në potencialin sportiv të kombit, teksa suksesi i dyfishtë shënohet si një kapitull i ri për futbollin shqiptar dhe atij të Kosovës në arenën ndërkombëtare.

Kosova arriti kualifikimin në play off pas fitores sot ndaj Sllovenisë në Lubjanë me rezultatin 2-0, duke siguruar vendin e dytë në grupin B. Shqipëria e arriti këtë rezultat historikë dy ditë më parë, pas fitores ndaj Andorrës në transfertë me rezultatin 1-0, duke siguruar vendin e dytë në grupin K.

Burimi ATSH