Kryeministri Edi Rama përshëndeti fitoren e skiatores italo-shqiptare, Lara Colturi, e cila u rendit e dytë në Botërorin e Skive në Levi, Finlandë, në disiplinën e Slalomit. Gjithashtu kreu i qeverisë uroi skiatoren edhe për ditëlindjen e saj të 19-të.

“Lara Colturi, skiatorja e Shqipërisë, ka siguruar vendin e dytë në Botërorin e Slalomit në Finlandë. E gjithë kjo arritje e madhe në një ditë të veçantë për Larën, e cila sot feston 19-vjetorin e saj. Edhe 100 Lara”, shkruan Rama.

Lara Colturi siguroi vendin e dytë në total, me kohën 1 minutë, 50 sekonda e 58 të qindtat, vetëm 1.66 më shumë se fituesja e kësaj gare, legjenda amerikane Mikaela Shiffrin.

Lara Colturi me këtë vend të dytë në garën e Slalomit mori 80 pikë duke e çuar në 116 pikë totalin pas dy garave të para të Kupës së Botës dhe e sheh veten në vendin e tretë në renditjen e përgjithshme, pas Mikaela Shiffrin dhe Paula Moltzan.

Burimi ATSH