Romë u zhvillua sot mbledhja e parë e përbashkët mes qeverive Shqipëri-Itali, ku edhe u nënshkruan 16 marrëveshje.

Në fjalën e tij, gjatë konferencës së përbashkët për shtyp me Giorgia Melonin, kryeministri Edi Rama u ndal tek projektet në fushën energjetike.

“Kemi një nga projekte më të mëdha në Evropë për energjinë, i cili po ecën përpara për të kontribuar ndaj sovranitetin energjetik të Evropës përmes linjës interkonjeksionit mes Shqipërisë dhe Italisë me pjesëmarrjen e Emirateve të Bashkuara Arabe”, tha Rama.

Rama nënvizoi gjithashtu se “jemi duke punuar për një projekt të madh që lidh Lindjen me Perëndimin dhe që do të përfshijë në të shtete si Rumania, Bullgaria, Greqi, Italia, dhe Shqipëria dhe që është i një rëndësie të madh strategjike”.

Kreu i qeverisë, përmendi edhe marrëveshje në fushën e kulturës. Rama tha se do të hapet muzeu i artit italian në Shqipëri.

“Nëse nuk do të ishte e pranishme kultura, do të thotë se Italia nuk do të ishte e përfshirë”, tha Rama.

Duke ju drejtuar ministrit italian të Kulturës, Rama tha se “më në fund pas kaq shumë vitesh, kemi një marrëveshje konkrete për të bërë bashkë një strukturë me rëndësi të madhe evropiane siç është Maksi i Romës së bashku me Galerinë tonë Kombëtare. Shpresoj që muzeu i artit italian në Shqipëri do të jetë një tjetër fakt konkret dhe shpresoj që të jeni ju ai që do të hapni dyert e këtij muzeu”.

Burimi ATSH