Drejtuesja politike e Partisë Socialiste në qarkun e Gjirokastrës, Mirela Kumbaro, u bëri thirrje qytetarëve të Tepelenës të dalin dhe të marrin pjesë në votime.

“Procesi ka nisur që në orën 07:00, sipas të gjitha parashikimeve të KQZ-së. Çdo gjë ka rrjedhur normalisht dhe nuk është raportuar asnjë problem. Duke pasur parasysh kushtet e motit që e vështirësojnë disi lëvizjen, ecuria ka qenë e mirë, sidomos krahasuar me të njëjtën orar në zgjedhjet e 11 majit 2025 apo ato vendore të vitit 2023. Ftoj të gjithë banorët e Tepelenës që të shprehin vullnetin e tyre në mënyrë demokratike në kutitë e votimit. Çdo qytetar duhet të japë votën e tij për qytetin”, u shpreh Kumbaro në një prononcim për mediet.

Kumbaro u shpreh se deri rreth ores 15:30 janë paraqitur pranë qendrave të votimit dhe kanë votuar mbi 3100 qytetarë, ndërsa janë thirrur në votim rreth 12 mijë qytetarë.

Burimi ATSH