Drejtori i Përgjithshëm i AKSK, Igli Tafa, priti në një takim Ambasadorin e ri të Mbretërisë së Spanjës në Shqipëri, Gabriel Cremades Ventura.

Në këtë takim u diskutua mbi perspektivat e bashkëpunimit mes Shqipërisë dhe Spanjës në fushën e sigurisë kibernetike, duke u fokusuar në shkëmbimin e praktikave më të mira dhe zhvillimin e kontakteve teknike me institucionet homologe spanjolle. Palët shprehën gatishmërinë për të eksploruar mundësinë e realizimit të një projekti të përbashkët në kuadër të programeve të Bashkimit Evropian.

AKSK mbetet e angazhuar në konsolidimin e partneriteteve ndërkombëtare për të forcuar kapacitetet kombëtare dhe për të rritur qëndrueshmërinë ndaj kërcënimeve kibernetike.