Ministri i Mbrojtjes, Pirro Vengu vizitoi garnizonin e Vaqarrit me rastin e 33-vjetorit të themelimit të Policisë Ushtarake.

Vengu theksoi se, “në 3️3️-vjetorin e themelimit, Policia Ushtarake vazhdon të përmbushë misionin e saj, sot në kushte edhe më të favorshme falë infrastrukturës së shtuar në garnizonin e Vaqarrit”.

Ministri Vengu shprehu besimin se nënkoloneli Dhimitër Selmanaj, i emëruar komandant i ri i Policisë Ushtarake, do të çojë më tej ambicien për forcimin dhe modernizimin e kësaj strukture të rëndësishme të Forcave të Armatosura.

“Modernizim me fokus të veçantë në misionet jashtë vendit, mbështetjen për emergjencat civile dhe bashkëpunimin efikas me agjencitë e tjera ligjzbatuese”, theksoi Vengu.

“Mbetemi të angazhuar për të vijuar mbështetjen financiare të personelit të kësaj strukture dhe të gjithë Forcave të Armatosura”, u shpreh ministri Vengu.

Burimi ATSH