Rama: Të ardhurat në buxhet u rritën me 9.7 miliardë lekë mbi planin

Kryeministri Edi Rama deklaroi sot se të ardhurat në buxhet janë rritur me 9.7 miliardë lekë mbi planin fillestar, një shumë e konsiderueshme kjo për buxhetin e Shqipërisë


Kryeministri Edi Rama deklaroi sot se të ardhurat në buxhet janë rritur me 9.7 miliardë lekë mbi planin fillestar, një shumë e konsiderueshme kjo për buxhetin e Shqipërisë.

Në konferencën e fundvitit me gazetarët, Rama solli fillimisht në vëmendje vlerësimet e institucioneve të rëndësishme ndërkombëtare financiare mbi rritjen ekonomike të Shqipërisë.

“Në vitin që po lëmë pas Shqipëria është ngritur në vlerësimin e agjencisë globale të vlerësimit Standard & Poor’s në BB+, që është një stad i ri i vendit sipas kuotave të vlerësimit. Po ashtu edhe edhe nga agjencia tjetër Moody’s Shqipëria u ngrit në BA3 e qëndrueshme që është një stad tjetër. Këto janë institucione ndërkombëtare që kanë një profesionalizëm dhe përgjegjësi globale dhe këto çuditërisht nuk e reflektojnë frymën dhe tonin e shumë raportimeve që ekonomia dhe situata këtu është për revolucion. Nuk shihet asgjëkundi ndonjë shkak për revolucion, përkundrazi shihet kudo evolucion”, tha Rama.

Kryeministri theksoi se janë rritur të ardhurat nga tatimet dhe doganat që janë të ardhura që reflektojnë rritjen e ekonomisë.

“Ndryshe nuk rriten të ardhurat në një vend që nuk rrit taksat. E kemi filluar qeverisjen në mandatin e parë me një zotim shumë të thjesht, ‘kush fiton më shumë do paguaj më shumë, kush fiton më pak do paguajë më pak’. Kemi rritur taksën për kompanitë e mëdha nga 10 në 15% dhe kemi zeruar taksën për biznesin e vogël që nuk e ka asnjë vend i rajonit, 0 taksë deri në 140 mijë euro xhiro dhe dhe 0 TVSH deri në 100 mijë euro xhiro”, tha Rama.

Kryeministri theksoi se në momentin që nuk rriten taksat të ardhurat rriten se rritet ekonomia, rritet numri i bizneseve dhe punonjësve, rritet tregtia, pra rritet volumi i punës.

“Jemi në kushtet kur të ardhurat janë rritur përtej planit të cilin kur ne e vumë kishte një diskutim shumë intensiv edhe me FMN-së se ishte shumë ambicioz. Faktikisht jemi 9.7 miliardë lekë mbi planin fillestar. Kjo është një shumë e konsiderueshme për buxhetin e Shqipërisë. Në krahasim me vetëm vitin e mëparshëm jemi 31.6 miliardë rritje mbi planin, ose 316 milionë euro”, tha Rama.

Burimi ATSH

Lexo më shumë nga

Rama pjesë e “Koalicionit të Vullnetmirëve” në Berlin, pritet nga Merz

Kryeministri Edi Rama u prit sot në Kancelarinë Federale në Berlin, nga Kancelari i Gjermanisë, Friedrich Merz.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama pjesë e “Koalicionit të Vullnetmirëve” në Berlin, pritet nga Merz

Kryeministri Edi Rama u prit sot në Kancelarinë Federale në Berlin, nga Kancelari i Gjermanisë, Friedrich Merz.