Në shkollën “Androkli Kostallari” në Shkozë u përurua SmartLab-i i ri modern, që do t’u shërbejë 263 nxënësve të klasave të para dhe të dyta.

Në përurimin e këtij SmartLab-i ishte e pranishme edhe ministrja e Arsimit dhe Sportit, Ogerta Manastirliu, e cila bisedoi me mësuesit për t’i pajisur nxënësit me njohuri digjitale për të përballuar sfidat e shekullit XXI.

Manastirliu u shpreh se janë rreth 200 klasa në të gjithë Shqipërinë që janë të pajisura me SmartLab.

Përmes këtyre investimeve MAS po i jep mundësinë 35 mijë nxënësve që të rrisin aftësitë e tyre përmes teknologjisë.

Investimi në SmartLabs do të vijojë në 600 shkolla të tjera në dy vitet në vijim.

Burimi ATSH