Ministri për Evropën dhe Punët e Jashtme, Igli Hasani uroi sot Marco Rubio-n për emërimin Sekretar i Shtetit të Shteteve të Bashkuara të Amerikës.

“Mirëpresim të forcojmë më tej lidhjet e forta midis Shteteve të Bashkuara të Amerikës dhe Shqipërisë, si dhe të punojmë së bashku, për të promovuar paqen, demokracinë dhe prosperitetin”, shkroi Hasani në një postim në rrjetet sociale.

Hasani përfundoi mesazhin duke i uruar Rubio-s suksese në rolin e ri.

Presidenti i zgjedhur amerikan, Donald Trump shpalli zyrtarisht synimin e tij për të emëruar senatorin republikan, Marco Rubio në detyrën e Sekretarit të Shtetit.

Rubio ka shërbyer në Senat që prej vitit 2013. Senatori i Floridës është aktualisht zëvendëskryetar i Komitetit për Shërbimin e huaj dhe anëtar i komitetit të Kongresit për Marrëdhëniet me Jashtë.

(ATSH)