Kryeministri Edi Rama merr pjesë sot në forumin e sigurisë GLOBSEC 2024. Gjatë një bisede me temën e zgjedhur nga moderatori Steve Clemons, “Rajoni nën rrethim: Brishtësia e Ballkanit Perëndimor”, që u mbajt në Pragë, Rama foli për rëndësinë e integrimit të Ballkanit Perëndimor në BE.

“Pikë së pari dua të përgëzoj Vladimir Putinin, sepse fakti që BE e kuptoi se sa e rëndësishme ishte ta mbante shumë më pranë Ballkanin Perëndimor dhe sa i rëndësishëm është Ballkani Perendimor për Bashkimin Europian. Kështu që është diçka fatkeqe që na duhet Vladimiri për ta bërë të qartë këtë gjë dhe që në mënyrën më të vështirë dhe më kriminale, por kjo ishte e dobishme”, u shpreh Rama.

Kryeministri theksoi se, “sa i përket pjesës së BE-së mund t’ju them se kishte shumë njerëz në Union që nuk besonin aspak dhe në mënyrë të përsëritur e përsëritnin duke thënë se Ballkani Perëndimor duhet të jetë në BE, Ballkani Perëndimor do të jetë një ditë në BE, duke e bërë njësoj si komunistët që na thonin se njëherë e një kohë se vendi ynë është në parajsën tokësore dhe sigurisht realiteti goditi fort. Lufta në Ukrainë goditi tërësisht status quo-në dhe më e pakta nisi të ndërgjegjësohej e më shumë se sa i rëndësishëm është Ballkani, pikërisht për sigurinë e sigurimin e Europës mbi të gjitha”.

“Ursula von der Leyen luajti rol thelbësor, që prej ditës së parë u përpoq të përcillte mesazhin, por iu desh edhe ndihmë nga Putini”, tha Rama.

Rama tha se nuk ka ndonjë diferencë të madhe me BE, teksa shtoi se duhet punuar për të ulur hendekun ekonomik.

“Ballkani Perëndimor sot është në një pozitë më të mirë seç ka qenë. Nga ana tjetër më duhet të them se nuk kemi diferencë të madhe me BE-në, përveç ekonominë. Nga ana tjetër më duhet të them se nuk shoh më ndonjë ndryshim të madh mes nesh dhe BE, sigurisht kur vjen fjala për ekonominë kemi hendek që duhet ta mbushim, por për pjesën tjetër nuk shoh ndryshim. Ne jemi evropianë, ne kemi qenë evropianë dhe nuk është Bruskeli që vendos për këtë. Ne do të ishim një vlerë e shtuar për BE.”, tha Rama. (ATSH)