Kryeministri Edi Rama deklaroi sot se, sot ka një sulm të organizuar për të dëmtuar turizmin shqiptar.
Në fjalën e tij gjatë një takimi me kryetarët e bashkive për përshpejtimin dhe monitorimin e procesit të legalizimit, si prioritet i qeverisjes qendrore dhe asaj lokale, Rama u shpreh se, “është shumë e rëndësishëm që sot të jeni të gjithë të vetëdijshëm që sot ka një sulm të organizuar për të dëmtuar turizmin shqiptar”.
“Kam folur me kryetarët e bashkive bregdetare, të gjithë janë të habitur dhe të skandalizuar nga shumë video, lajme dhe komente të rreme, të manipuluara, të bëra me qëllim që duan të thonë që këtu s’ka ardhur njeri”.
Natyrisht që faktet janë në teren dhe nuk është ky preokupimi kryesor që të merremi me ata që janë pjesë e këtij sulmi të organizuar që vjen nga disa anë”, tha Rama.
“Fakti është që sistemet tona të sigurisë kanë ndezur dritën e kuqe për këtë, të sigurisë kibernetike. Shumë profile false që përdoren për këtë sulm. Por kjo është njëra anë e medaljes që vlen për diçka tjetër. Vlen për të kuptuar, që ajo që vjet ishte një çelje e lules së turizmit shqiptar në sytë e botës edhe me sfida të reja. Sfida që janë gjithmonë e më komplekse që kanë të bëjnë me të gjithë elementët”, theksoi Rama.
(ATSH)
