Ministri i Ekonomisë, Kulturës dhe Inovacionit Blendi Gonxhja njofton se thirrja për aplikimet për Skemën e Granteve “Smart&Green Future” mbyllet në 15 mars.

Ky projekt, i financuar nga Republika Federale e Gjermanisë dhe mbikëqyrur nga GIZ, i ofron shansin e një ndihme financiare bizneseve të vogla e të mesme që duan të ecin përpara me idetë e tyre inovative.

Në total projekti ofron rreth 75 grante për mbështetje të sipërmarrësve që synojnë të përmirësojnë proceset e tyre të biznesit duke integruar elemente të gjelbra dhe/ose digjitale.

Vlera e financimit me grant do të jetë deri në 4000 euro për projekte individuale (subjekte Person Fizik) dhe deri në 7000 euro për projekte jo individuale (bashkaplikantë ose subjekte Person Juridik).

Afati i fundit për aplikime është data 15 mars 2024.