Gjatë vizitës që po zhvillon sot në Malin e Zi, ministrja e Bujqësisë dhe Zhvillimit Rural, Anila Denaj ndoqi nga afër modele suksesi të bizneseve malazeze në pulari, agropërpunim dhe në prodhimin e verës.

Denaj u shpreh në një postim në rrjetet sociale se, këto sipërmarrje bashkëpunojnë ngushtësisht me bizneset shqiptare për të siguruar ushqimin për shpendët dhe frutat e perimet, që më pas i përpunojnë në fabrikat e tyre.

Denaj nënvizoi se, interesi i lartë për produktet cilësore “Made in Albania” do të çojë përpara zgjerimin e bashkëpunimit me biznese të tjera malazeze, për t’i furnizuar ata me nevojat për lëndë të parë nga kompanitë shqiptare në fushën e bujqësisë. (ATSH)