Ambasadori i Shqipërisë në Serbi, Dr. Bardhyl Canaj, priti Nevzad Lutfiun, kryetarin e Këshillit Kombëtar Shqiptar të Serbisë dhe Shqipërim Musliun, Zv.kryetar i Komunës së Bujanocit, dy përfaqësues të minoritetit shqiptar në Serbi.

Sipas  postimit të ambasadës në rrjetet sociale, në takim u diskutua trajtimi i  problematikave të shqiptarëve të Luginës së Preshevës.

Gjatë bisedës u diskutuan edhe krijimi i mundësive për të rinjtë shqiptarë në Luginë.

POSTIMI I AMBASADËS SHQIPTARE

Mirëprita Nevzad Lutfiun, kryetarin e Këshillit Kombëtar Shqiptar të Serbisë dhe Shqipërim Musliun, Zv.kryetar i Komunës së Bujanocit, dy përfaqësues të denjë e krenar të minoritetit shqiptar në Serbi. Diskutuam hapur për trajtimin konkret të problematikave të shqiptarëve të Luginës së Preshevës, thellimin e bashkëpunimit dhe krijimit të mundësive për të rinjtë aty.