Presidenti i Republikës Bajram Begaj, po merr pjesë në takimin e radhës të liderëve të Procesit të Brdo-Brijunit që po mbahet në Shkup.

Presidenti Begaj duke postuar pamje nga samiti u shpreh se, “përshpejtimi i procesit të integrimit të Ballkanit Perëndimor në BE mund të arrihet vetëm përmes forcimit të bashkëpunimit rajonal, të udhëhequr nga siguria dhe stabiliteti”.

“Të inkurajojmë vlerat evropiane, ku të rinjtë tanë të ndihen optimistë për të ndërtuar të ardhmen në vendin e tyre”, tha Presidenti Begaj.

Presidenti Begaj nisi edhe takimet bilaterale në kuadër të samitit. Ai zhvilloi takim me homologun e Maqedonisë së Veriut, Stevo Pendarovski.

“Së bashku me mikun tim, Presidentin Stevo Pendarovski, vlerësuam marrëdhëniet shumë të mira mes Shqipërisë dhe Maqedonisë së Veriut, të cilat janë një shembull i bashkëpunimit konstruktiv, në interes jo vetëm të përparimit të të dy vendeve, por të gjithë rajonit”, u shpreh Begaj.