Ministrja e Shtetit për Standardet e Shërbimeve, Milva Ekonomi, po merr pjesë në Samitin e 8-të Global për Partneritetit e Qeverisje të Hapur, që nisi dje punimet dyditore, në kryeqytetin e Estonisë, Tali.

Në kuadër të këtij eventi të rëndësishëm Ekonomi, zhvilloi takime me Paul Maassen, Sekretar i Përgjithshëm në Sekretariatin e OGP Bruksel dhe Sandra Pernar.

“Ishte kënaqësi të dëgjoje përgëzimet e tyre për arritjet e Shqipërisë në këtë bashkëpunim dhe për të biseduar mbi tematikat strategjike të programit të OGP për periudhën 2023-2028”, u shpreh Ekonomi.

Ministrja tha se, ata vlerësuan progresin digjital të Shqipërisë në fushën e komunikimit me OSHC si dhe faktin që vendi ynë po shton përpjekjet për ngritjen e një komuniteti të ndërlidhur reformuesish. Por gjithashtu vijoi ajo, evidentuan progresin kolektiv për implementimin e qeverisjes së hapur e frymëzimi i inovacionit.

“Plani i Veprimit 2023-2025 i Shqipërisë për zbatimin e Partneritetit për Qeverisje të Hapur synon të zhvillojë angazhime të reja për tematikat e antikorrupsionit, aksesit në drejtësi, transformim digjital dhe inovacion, transparencën etj.”, u shpreh Ekonomi. /ATSH