Efektivët shqiptarë përfundojnë me sukses misionin në Greqinë e goditur nga zjarret masive.

Lajmin e dha ministri i Mbrojtjes, Niko Peleshi i cili u shpreh se, ekipi, i përbërë nga punonjës të specializuar të emergjencave civile dhe bashkive të Korçës dhe Maliqit, u angazhua në operacionet e ndihmës për shuarjen e zjarreve në Greqi.

Tashmë, shtoi Peleshi, “ekipi kthehet në atdhe me vetëdijen e detyrës të plotësuar si dhe me ndjenjën e krenarisë për kontributin e tyre në ndihmën e popullit mik grek në kohë të vështira”.