Ambasada e Republikës së Kosovës ishte ndalesa e parë e takimeve zyrtare të ambasadorit të caktuar Ervin Bushati me trupin diplomatik të akredituar në Uashington DC.

Në një atmosferë vëllazërore, ambasadori Ilir Dugolli uroi ambasadorin Bushati për marrjen e detyrës dhe e njohu atë me veprimtarinë e trupit diplomatik në Uashington DC. Ndër të tjera, shprehu gatishmërinë e plotë për vijimin e bashkëpunimit ndërmjet dy përfaqësive.

Ambasadori Bushati shprehu falenderimet e rastit për mikëpritjen e ngrohtë dhe nënvizoi domosdoshmërinë e bashkëpunimit ndërmjet dy ekipeve të ambasadave, përfshirë dhe organizmin e aktiviteteve dhe nismave të përbashkëta. Përmes bashkëpunimit të ngushtë dhe komunikimit të vazhdueshëm, do të ndihmojnë në promovimin e interesave dhe prioriteteve të përbashkëta.