Banco di Napoli – një ndër bankat më të vjetra italiane, e krijuar në qytetin e Napolit në shekujt XVI-XVII, kur në Itali nisën të krijohen të ashtuquajturat institucione bankare të bamirësisë e të huadhënies pa përqindje interesi.

Për herë të parë, veprimtaria e Banco di Napoli u shfaq në Shqipëri pas vitit 1936, kur qeveria italiane e ftoi të ndërmerrte financimin e ripërtëritjes së portit të Durrësit.

Në vazhdim të veprimtarisë së saj në Shqipëri, në vitin 1937 ajo qe tepër aktive në tregun shqiptar të kreditit dhe thithi Bankën Bujqësore të Shtetit, duke fituar kështu monopolin e kreditit bujqësor.

Nga 15 maji 1939, ajo vepronte në Shqipëri me dy seksione: Seksioni i Kreditit dhe Seksioni i Kreditit Bujqësor.

Burimi: Banka e Shqiperise