Presidenti i Republikës, Bajram Begaj uroi festën e Pashkës për të gjithë besimtarët ortodoksë.

Presidenti Begaj në mesazhin e tij të urimit përcolli mesazhin se kjo festë sjell rigjallërimin e jetës.

“Gëzuar Pashkën për të gjithë besimtarët ortodoksë! Kjo festë e shenjtë sjell rigjallërimin e jetës, gëzim e shpresë dhe shënon një nisje te re! Qoftë ajo e bekuar për të gjithë shqiptarët!”, uroi Begaj.

Ndërkaq, Begaj uroi nga afër besimtarët ortodoksë në Korçë.

“Zgjodha të jem në qytetin e Korçës në këtë ditë të shenjtë, sepse ku më shumë se tjetër se qyteti i Korçës kjo festë e shenjtë festohet me këtë gjallëri dhe atmosferë të jashtëzakonshme! Kjo gjë mu konfirmua edhe nga mitropoliti i Korçës!”, u shpreh Begaj gjatë vizitës.

Në orën 00:00 të gjithë besimtarët ortodoksë ndanë me njëri tjetrin flakën, që simbolizoi Ringjalljen e Krishtit, rikthimin e shpresës dhe të dritës!

“Uroj për të gjithë shqiptarët, kjo Pashkë ardhtë e mbarë, e bardhë dhe drita e Pashkës ndriçoftë mendjen, zemrat dhe jetën e shqiptarëve!”, uroi Begaj.