Forumi i Zgjerimit në Bruksel, Hoxha: Vlerësimi i KE, përgjegjësi për të ecur përpara

Ministri për Evropën dhe Punët e Jashtme, Ferit Hoxha, vlerësoi deklaratën e presidentes së Komisionit Evropian, Ursula von der Leyen, për progresin e Shqipërisë në procesin e integrimit evropian, gjatë Forumit të Zgjerimit 2026, që po zhvillohet në Bruksel.


Ministri për Evropën dhe Punët e Jashtme, Ferit Hoxha, vlerësoi deklaratën e presidentes së Komisionit Evropian, Ursula von der Leyen, për progresin e Shqipërisë në procesin e integrimit evropian, gjatë Forumit të Zgjerimit 2026, që po zhvillohet në Bruksel.

Në një reagim në rrjetet sociale, Hoxha iu referua fjalës së hapjes së Von der Leyen, e cila theksoi se “Shqipëria po dëshmon progres mbresëlënës”, duke e cilësuar zgjerimin e BE-së si “një investim në të ardhmen tonë të përbashkët”.

Ministri theksoi se ky vlerësim, i pasqyruar edhe në Raportin e Progresit 2026 dhe në udhërrëfyesin e procesit të anëtarësimit, dëshmon ecurinë e vendit, por njëkohësisht shton përgjegjësinë për vijimin e reformave.

“Prandaj, këto vlerësime duhet të na bëjnë të gjithëve krenarë, por edhe më të përgjegjshëm”, shkruan Hoxha.

Duke iu referuar mesazhit të presidentes së Komisionit Evropian, ai nënvizoi rëndësinë e shndërrimit të progresit në rezultate konkrete.

“Të gjithë, si vendet kandidate, ashtu edhe vendet anëtare, duhet ta shfrytëzojmë këtë mundësi dhe ta shndërrojmë progresin në rezultate konkrete. Është koha që zgjerimi i Bashkimit Evropian të bëhet një histori suksesi për të gjithë Evropën!”, citoi Hoxha deklaratën e Von der Leyen.

Ministri theksoi se perspektiva evropiane është më pranë se kurrë, duke kujtuar se anëtarësimi në BE ka qenë për dekada aspiratë dhe synim kombëtar i Shqipërisë.

“Për dekada, anëtarësimi në BE ka qenë dëshira, aspirata dhe kërkesa jonë. Sot kësaj i është bashkuar edhe ftesa dhe dora e zgjatur e BE-së për të ecur përpara me përgjegjësi, vendosmëri dhe besim në të ardhmen tonë të përbashkët”, u shpreh Hoxha.

Burimi ATSH

Forumi i Zgjerimit në Bruksel, Hoxha: Vlerësimi i KE, përgjegjësi për të ecur përpara

Ministri për Evropën dhe Punët e Jashtme, Ferit Hoxha, vlerësoi deklaratën e presidentes së Komisionit Evropian, Ursula von der Leyen,…

Global 360

Vendet evropiane vendosin kushte për bisedimet e sigurisë me Rusinë

Një shumicë e madhe e vendeve evropiane janë të gatshme të zhvillojnë bisedime me Rusinë për çështjet kryesore të sigurisë…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Forumi i Zgjerimit në Bruksel, Hoxha: Vlerësimi i KE, përgjegjësi për të ecur përpara

Ministri për Evropën dhe Punët e Jashtme, Ferit Hoxha, vlerësoi deklaratën e presidentes së Komisionit Evropian, Ursula von der Leyen,…